» » «ҚОСТЕРЕК» ҳаққында, яғный, қаҳарманлар елаты

«ҚОСТЕРЕК» ҳаққында, яғный, қаҳарманлар елаты

«ҚОСТЕРЕК» ҳаққында, яғный, қаҳарманлар елаты
Шымбай районындағы «Кеңес» АПЖ аймағындағы «Аралбай» аўылын суўландырып турған жаптың көпиринде еки жақтан бир-бирине ушласып кеткен «Қостерек» бар еди. Бул жерден дәрбент жол өтип, талай жолаўшылар паналар еди. Бул «Қостерек»ти мен бала уақтымнан билер едим. Тек мен емес, көпшилик кексе адамлардың еле баяғысынша көз алдында, умытылмайды.
Бүгинлиги бул «Қостерек»тиң тек орны ғана қалған. Оны еслесем бул бир умытылмас тарийхый, ҳәттеки кийели орын, деп аталарымыз талай мәртебе айтар еди. №асында отырықшы аўылдың әўлийеси бар. Сол жылларды еслесем, бул «Қостерек» жолдың еки жағынан көгерип, бир-бири менен шақалары ушласып кеткен еди. Ол әтирапқа сән-салтанат бағышлап, бәҳәрде жасыл дөнип көмкерилер, өткен-кеткенди ериксиз өзине тартар еди.
Бәҳәрде «Қостерек»ти қуслар да паналайды. Тынымсыз жуғырласқан шымшықлардан баслап, қурқылдайларға шекем оның жуўан шақаларынан өзлерине қолайлы орын таўып, жыллы уялар соғып алар еди. Бизлерди қурқылдайдың байпақ тәризли етип тоқыған уясы таң қалдырып жүрди.
Жыллар өтти. Бизлер де алпыстың асқарынан өткенбиз. Бүгинги жасларымызды «№ос- терек»тиң ҳәм сол алабтың тарийхы оғада қызықтырса керек. Умытпасам, колхозлар дүзилип атырған жыллардың гүз айында кексе әўлад ўәкиллериниң айтыўынша, сол ўақыттағы Өзбекстан Республикасы басшыларының бири Юлдаш Ахунбабаев келип, аўыл дийханлары оны усы «Қостерек»ке жақын жердеги бағда жыллы жүзлилик пенен күтип алған. Сол жыллары «Шәдире» деген жер қойыў саяманлы гүжимлер, мийўели ағашлар менен көмкерилген пайызлы орынлардын бири болған. Сол жерде мал сойылып, түслик берилген. Әбдиғаний Худайбергенов сол жыллары колхоздың баслығы еди. Ақсақалдың келиў ҳүрметине аўыл жасы үлкенлери ат шаптырып, кокмар таслатып, той қылған. №удияр, Өтеген қоржын, Әбдиғаний баслықлар кокмар ойнап, Қудияр (белгили шабандоз Рәметтиң әкеси, ол ҳәзир пенсияда, «Тағжап» АПЖ” аймағында турады) биринши болып «ылақ»ты қурға әкелип таслап, бас сыйлықты алған.
Сол әтирапта аўыллық дүкан (сельмаг), колхоздың кеңсеси, унқараз, медпункт, колхоздың дәнханасы басқа да түрли хызмет көрсетиў орынлары болды. Ю.Ахунбабаев колхозға «полуторка» автомашинасын саўға еткен. Оны дәслеп Әжинияз деген шофёр айдаған. Ҳәзир Әжинияздың ақлық-шаўлық, қуўлықлары бар. Белгили басшы Ю.Ахунбабаев аўыл адамлары менен жақсы мүлайым қатнаста болып, олар менен жақыннан тил табысып, сол жерге келешекте үлкен бағ жаратыўды мәсләҳәт еткен. Аўыл адамларының күши менен ерте бәҳәрде ҳәр қыйлы нәллер (алма, алмурт, әнар, шийе, әнжир, қәрели, жүзим т.б) әкелинип, сол жерден үлкен бағ жаратылған. Дәслепки бағманы марҳум Панабай Садықовтың әкеси «Садық гарры», кейин ала Генжемурат аға т.б.лар болған. Бул бағ пүткил республикаға белгили болып, аўыл халқының дәстурханына қут-берекет дарытып, сексенинши жылларға шекем мийўе берип келди.
Көпти көрген жасы үлкен ағаларымыздан: «Қостерек»ти ким еккен? соның жуўабын елеге шекем излеймиз. Буны бир билсе «Жоллыбек ақсақал»дың үрим-путақлары биледи, Нөкисте жасайды, балалары белгили алым. Усы «Қостерек» ҳаққында «Аралбай» ҳәм «Қаңлы» аўылларында аталарынан еситкен адамлар болыўы да итималдан қашық емес. Ата-бабаларымыздың көзин көрип, өтмишин еслетип, тарийхта изсиз қалып баратырған «Қос терек» ҳәммемизден үмит еткендей мүлгип жатар еди. Бул аўыл ўақтында Мийнет Қаҳарманы, академик Шамурат ата Муўсаев, колхоз дүзиминин белсендиси, колхоз баслықлары болған Бекбай Өтениязов, Әбдиғаний Худайбергеновлар, ўақтында кимсең «Жоллыбек ақсақал» болып репрессияға ушыраған, ел-халыққа ҳадалый хызметлер еткен, қаҳарманлар елаты. Бул алапты билмейтуғын адам шенде-шен.

Бекбай САПАРОВ таярлады.
шаблоны для dleскачать фильмы

Пикир билдириу!

Атыныз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Кодды киритин:

Уксас материаллар:

«НУРЖАН ҚАРАҚШЫ» болған!

«Қарақшы» ҳаккында гәп кеткснде Шымбай районындағы (бурынғы

ИЗБАН ҚАРАҚШЫ БОЛҒАН (БА?)

Избан бул жалғаншыда болған, әндамлы халық қатары жасаған.

Өтмиштен саза «ТҮРКМЕН ҚЫРЫЛҒАН»ды билесиз бе?

Ертедеги алапасыранлы жыллары халқымызды яўмытлардың шабыўлынан қорғаўда

Миллий қәдириятларымыз «АЙДАР ТОЙ» БОЛЫП ӨТТИ

Халқымыздың салт-дәстүрлериниң бири балаға «айдар

«КИМСЕҢ, ПЕРДЕБАЙ АРТИСТ» БОЛДЫ

Пердебай Мәмбетмуратов 1937-жылы Шымбай районында туўылды. Шымбайдың өтмишине
Сораунама
Сизге сайтымыз унады ма?
Ауа
Як
Онша емес
Болады

Хабарландырыу>> Хаммеси

ЖАЗЫЛЫЎ-2018 (И.А.Крыловтың изинен)

АЙБОЛИТ ДОКТОР: Республикалық, районлық ҳәм тараўлық, бийғәрез, мәмлекетлик емес газета-журналларға үш ай, алты айға жазылып...
Жаналыклар>> Хаммеси
Логин
Пароль
Есте саклау