» » БАЎЫРМАН ДОС, жерлесимиз еди

БАЎЫРМАН ДОС, жерлесимиз еди

БАЎЫРМАН ДОС, жерлесимиз еди
БАЎЫРМАН ДОС, жерлесимиз еди
Бақый Ийманбаев 1954-жылы Нөкис қаласында туўылды. Әкеси Шарапатдийинниң жумыс орны Шымбай районына өзгерип, Киров атындағы орта мектепте (ҳәзирги 38-санлы мектеп) оқыды. Мектепти питкергеннен кейин Нөкис мәмлекетлик педагогикалық институтының физика-математика факультетине кирип, мениң менен қатар оқып, жақын дос-татыў болдық. Пединститутты питкерип, ол дәслепки мийнет жолын жоллама менен «Қуралпа» хожалығындағы А.Муўсаев атындағы орта мектебиндс физика-математика муғаллими, мен болсам жоллама менен "Костерек АПЖ" аймагындағы Куйбышев атындағы (ҳәзирги 2-санлы мектепте) 1972-жылдан муғаллим болып иследим.
1977-жылы мени қаладағы «Қаракалпақстанның 50 жыллығы» орта мектебиниң (ҳәзирги 38-санлы мектеп) директоры, жайы жәнетте болсын, атамыз Рейимбай Сапаровтың «сени қаладан жумыслы қыламан, балам» деп шакырыўы мснен муғаллим болып келсем, студентлик жылларымдағы достым Бақый Ийманбаев та усы мектепке муғаллим болып келгенине бир-еки күн болған екен. Көп узамай жаңа окыў жылы басланды. Бирге ислестик. Жүдә баўырман, саўдыраған ақ көкирек қайың бойлы, сары сынлы жигит еди.
Сол оқыў жылының май айында ярым ақшамда үйиме келип «Достым, мен Ўатан алдындағы хызметимди атқармақшыман, азанда жедел әскерий комиссариатқа шақырып отыр, сени көрип, хошласыўға келдим» деп бирге отырып, кеткиси келмей таң атқанша тәўир-ақ дәртлестик. Ол үйленбегенин, еки баласы болғанында, аўылда ислей бергенинде (ол жыллары аўыллық мектеплерде кадр жетиспегенликтен, еки баласы бар муғаллимди хызметке алмас еди) армиядан қалатуғынын айтып сарсылды. Әскерий хызмет өзимизде болғанда булай демес едим, Аўғанстанға кететуғын қусаймыз. Ҳақыйқатында да, бирден алғанларды Сурхандәрьяда әскерий базада таярлықтан өткерип, Аўғанстанға әкетип атырған ўақыт еди. Бул баўырман достым менен соңғы ушырасыўым екенлигин кеш билдим…
Оннан Аўғанстандағы Исламабад қаласы бағдарында командир сыпатында жаўынгер-интернационалист болып, урыста жүргенин айтып, усы сүўрети менен асығыслы жазған еки ели хатын алдым. Кейин хабарсыз кетти. Арадан бес-алты ай өткенен соң Бақый достымның өз миннетин ҳадал орынлап, халықлар дослығы ушын қурбан болғанлығы туўралы хабар пүткил шымбайды ләрземге келтирди. Оның шаңарағы - ата-анасы атына төмендеги мазмунда қаралы хат келди:
«СИЗиң балаңыз, бизин солдатымыз (киши командиримиз) Бақый Ийманбаевтың қазаланыўына матам тутамыз. 1980-жыл 14-май.
«Әскерий бөлим командири, подполковник Смирнов, штаб баслығы майор Михин».
Ол қурбан болғаннан кейин 1980-жылдың 20-октябрьинде СССР Жоқарғы Совети Президумының пәрманы менен «Қызыл жулдыз» ордени менсн сыйлықланды.
Бақый достымыз Шымбай районы "Нокис-Тахткопир" магистрал жолынын бойы "«Кеңес» АПЖ аймагындагы «Аққум» қойымшылығына жерленип, басына естелик орнатылды. Бул достымыз Аўғанстан жериндеги шымбайлы жаўынгерлердиң бириншиси болып қазаланды.

СЕРИМБЕТОВ Тахир - Шымбай қаласындағы (ҳәзирги 37-санлы мектеп) питкерип, Нөкис мәмлекетлик университетиниң аўыл хожалық факультетин тамамлап, районымызға жоллама алып келген еди. Ол Шымбай районлық әскерий комиссариаты арқалы армия қатарына шақырылды.
Тахир БМП автомашинасында Жалалабад бағдарында жаўынгер дослары менен жүрип, көбирек душпанларды бақлаў жумысларына қатнасады. Ғайры журттағы қаралы күнлердиң биринде олар минген БМП машинасына душпан гранатомётынан атылған оқ тийип, пулеметшының оң аяғын жулып кетеди. Ал Тахирдиң желкесине тийген жарқыншақ, оны бул ялғаншыдан әкетеди. Ол «Қызыл жулдыз» ордени менен сыйлықланды. Районымыздағы «Ийшан әўлийе» қойымшылығына жерленип, басына естелик орнатылды. Өзи жасаған көшеге аты қойылып, мәңгилестирилди.

Сондай-ақ, жаўынгерлик хызметин атқарыў пайытында шейит кеткен шымбайлы инилеримиз «Кеңес» хожалығы «Бессары» аўылында туўылған Махсуд Жумағулов, Турсынбай Ибадуллаев, Муратбай Қалийлаевлардың ҳәм басқалардың исми-шәрийпин, естелигин халкымыз мәңгиге умытпайды.
Бәнт басарын белгили шайыр Оразбай Сәтбаевтың «Аналар» атлы қосығынан бир шуўмағы пенен жуўмаклайман:

Бүгин еслемесем қашан еслеймен,
Бүгин сөзлемесем, қашан сөзлеймен,
Аналар жүреги мисли қоз екен,
Ишинен қан жутар дәртли АНАЛАР!

Бекбай САПАРОВ.
Дерек:http://telegram.me/jarqin_keleshekшаблоны для dleскачать фильмы

Пикир билдириу!

Атыныз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Кодды киритин:

Уксас материаллар:

«ӨШ АЛЫЎ» дың қурбанлары

80-жыллар... Шымбай қалалық Киров атындағы орта мектепте (ҳәзирги

Р.Длимова 80 жаста УСТАЗҒА ҲҮРМЕТ КӨРСЕТИЛДИ

Жақында Шымбай районындағы 38-санлы рус тилине қәнигелескен улыўма билим

ШЫМБАЙЛЫ ИНТЕРНАЦИОНАЛИСТ-ЖАЎЫНГЕРЛЕР

Қоңсылас Аўғанстан жериндеги қаралы күнлерди халқымыз

ЖАҢАДАН МУЗЕЙ АШЫЛДЫ

Еслеў ҳәм қәдирлеў күни алдынан Шымбай районындағы 43-санлы

Бас редактор Бекбай Сапаров

САПАРОВ Бекбай Кәримбай улы ҳаққында мағлыўмат...
Сораунама
Сизге сайтымыз унады ма?
Ауа
Як
Онша емес
Болады

Хабарландырыу>> Хаммеси

ЖАЗЫЛЫЎ-2018 (И.А.Крыловтың изинен)

АЙБОЛИТ ДОКТОР: Республикалық, районлық ҳәм тараўлық, бийғәрез, мәмлекетлик емес газета-журналларға үш ай, алты айға жазылып...
Жаналыклар>> Хаммеси
Логин
Пароль
Есте саклау