» » ЕРЛЕР ҲӘМ ҲАЯЛЛАР ҲАҚҚЫНДА ӘПСАНА

ЕРЛЕР ҲӘМ ҲАЯЛЛАР ҲАҚҚЫНДА ӘПСАНА

ЕРЛЕР ҲӘМ ҲАЯЛЛАР ҲАҚҚЫНДА ӘПСАНА
Әййем заманларда Марста тек еркеклер жасаған екен. Ерлер мийнеткеш, туўры сөзли ҳәм әдил болыпты. Олар күни бойы жумыс пенен бәнт, ал кешқурынлары өзлериниң үңгирлерине барып қуўысады. Гейде әдеттен тыс жағдай да болып турады: араларындағы биреўи өзин жаман сезеди де, үңгиринен көп күнлерге шекем шықпай жатып алады. Оның жатақ жерине кирип, ҳал-жағдайын сорастырыў ҳеш кимниң де ойына келмейди. Өйткени, олар биледи, ўақыт өтип, ҳәммеси де орны-орнына түседи. Сонда ол тәўир болып, үңгиринен шығып, үйреншикли иси менен айланыса баслайды. Еркеклер усылайынша Марс планетасында жасапты ҳәм бул турмыс тәризи оларға унамайтуғын еди.
Марстан миллионлаған километр арыда «Венера» деп аталатуғын планета бар екен ҳәм оны ҳаяллар жайлап, тыныш-татыў өмир сүрипти. Кешқурынлары бир жерге топланысып отырып алып, нама салып, өзлериниң венериан тилинде қосықлар айтыпты. Бәрҳа аўырмай-сырқамай жүриў қайда ишиндеги биреў өзин жаман сезе баслайды. Сонда басқалары оның аўҳалынан хабар алыўға келип, бирге отырысып, сәўбетлесип, қосықлар айтысады екен. Буннан соң наўқас өзин жеңил сезе баслайды. Ҳаяллар усылайынша Венера планетасында жасапты ҳәм бул турмыс тәризи оларға унамайтуғын еди.
Күнлердиң биринде Марстағы цивилизация сондай жоқары дәрежеге көтерилипти, еркеклер «Зымыран» деп аталған космослық корабльди соғыпты. Еркеклердиң бир сыпырасы усы корабльде космосқа атланыпты. Арадан санаўлы саат өткен соң зымырап ушып баратырған корабльде отырғанлардың көзине көп жулдызлардың ишинен биреўи жүдә ысық көринипти. «Зымыран» орасан үлкен тезликте киятырғанлықтан, бул жулдыз дәслеп - даққа, кейин- шарикке, ақыр-соңында - планетаға айланыпты.
Бул - Венера планетасы еди. Еркеклерге бул планетаны жайлап кеткен ҳаяллар жүдә унап қалыпты. Мүнәсибет жасаўға урынып көрипти. Дәслебинде, ҳаяллар тиксинип, ҳүрейленип, сезикленип қарсы алыпты. Өйткени, еркеклер оларға жағыңқырамапты: қопаллаў ма, қалай-қалай?... Арадан ет писиримдей ўақыт өтипти ҳәм аўҳал жай-жайына түсе баслапты.
Бул еки цивилизацияның бир-биринен үйренетуғын нәрселери көп екенлиги белгили болды. Бул планета өз-ара байланыс жасасып, еркеклердиң бир бөлеги Венераға, ал, ҳаяллардың бир бөлеги Марсқа қарай ушыпты. Еркеклер Венера планетасында үңгирлерге жайласыпты. Өзин жаман сезгенлери инине барып тығылатуғын, оқшаўланатуғын болыпты. Өлимисең, тиримисең, ҳеш ким хабар алмайды. Бул әдетлери ҳаялларға әжептәўир, ерси болып көринипти. Бирақ, еркеклердиң басқа планетадан екенлигин, ол жердиң үрп-әдетлери, заңлары басқаша екенлигин есапқа алыпты да, оларды ҳүрмет етипти.
Марстағы еркеклерге ҳаяллар турмыс тәризиниң гейпара қылықлары түсиниксиз, ерси ҳәм надурыс болып көринетуғын еди. Бирақ, өзлериниң ҳәм олардың басқа-басқа планеталардан, ҳәр бир планетаның өз заңлары бар екенлигин, түсинбесе де, бәрибир қабыллаўы керек екенлигин аңлапты. Усылайынша әсте-ақырын олар тыныш-татыў ҳәм жақсы жасай баслапты.
Бир күнлери Венерада үлкен космосльлық корабль исленип, космосқа атланыўға қарар қабыл етипти. Бул «Зымыран-ғ»ниң ишине еркеклер ҳәм ҳаяллар орналасыпты. Космослық корабль Венерадан көтерилипти, ашық космоста олар адасып кетипти. !деўир күнлер әўере-сарсаң болып, ақырында бурын билмейтуғын бир планетаға тап болыпты, соған қоныпты.
Бул - ҳақыйқатында да жәннет мәкан еди. Суўық Марс ҳәм ыссы Венера оның қасында бир түрли еди. Бул жерде жап-жасыл шөплер, көгилдир аспан, таң әжайып океан... Көллеринде балықлар шапырлаған, ҳайўанатлар топырласқан. Олар бундай кәраматтың бул дүньяда бар екенлигин сирә ойына да келтирмеген екен. Планета оларға жүдә унап қалыпты ҳәм усы жерде биротала қалып кетиўге қарар етипти. Арадан бирнеше айлар өткен соң Марстағы барлық еркеклер, Венерадағы барлық ҳаяллар усы жерге көшип келипти. Бул планетаға «Жер» деп ат қойыпты.
Көп жыллар даўамында олар Жерде бахытлы, парахат жасапты. Жыллар өтипти, әўладлар изинен әўладлар дөрепти. Өзлериниң еки түрли планетадан екенлигин, үрп-әдетлери, қәсийетлери ҳәм заңлары улыўмаластырып есапқа алыўлар, оларды ҳүрмет етиў ҳәм қабыллаўлар «баяғының таяғында қалыпты». Енди ерлер - ҳаялларды, ал ҳаяллар өз гезегинде ерлерди айтқанына көндирмекши болыпты. Соның ушын да, айтыслар, бақырыслар, даў-жәнжеллер болып турыпты. Нәтийжеде бул дүньяны гармония ҳәм парахатшылық тәрк етипти. Урыслар басланыпты, мәкан жайлары от ишинде қалыпты. Тәртипсизликлер ҳәм ўайрангершиликтиң дәўири басланыпты.
Бул аўҳал елеге шекем даўам етпекте. Егер де бизлер еки түрли планетаның адамлары екенлигимизди, ҳәр бири тәбияты бойынша өз нызамы бойынша жасап атырғанын билгенимизде...

Джон ГРЕЙ,
(Еркеклер Марстан, ҳаяллар Венерадан» шығармасынан)
шаблоны для dleскачать фильмы

Пикир билдириу!

Атыныз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Кодды киритин:

Уксас материаллар:

«ҚОСТЕРЕК» ҳаққында, яғный, қаҳар ...

Шымбай районындағы «Кеңес» АПЖ аймағындағы «Аралбай» аўылын суўландырып

Әпсана АНА ОТАЎ БОЛСА, ӘКЕ ҚОРҒАН

Балалығымда мына әпсананы еситкеним бар, ол жарқын келешегимиз болған

ХЫЗМЕТИҢИЗГЕ ТАЙЫН ДА, ҚАЙЫМБЫЗ

Қанлыкөлли ушырма сөз шебери, лаққы Қуўанышбай Сейтниязов

Әпсана ҮШ АҚЫЛ

Бурынғы өткен заманда, қус жолы галактикасы таманда Қуяш атлы
Сораунама
Сизге сайтымыз унады ма?
Ауа
Як
Онша емес
Болады

Хабарландырыу>> Хаммеси

ЖАЗЫЛЫЎ-2018 (И.А.Крыловтың изинен)

АЙБОЛИТ ДОКТОР: Республикалық, районлық ҳәм тараўлық, бийғәрез, мәмлекетлик емес газета-журналларға үш ай, алты айға жазылып...
Жаналыклар>> Хаммеси
Логин
Пароль
Есте саклау