» » ХЫЗМЕТИҢИЗГЕ ТАЙЫН ДА, ҚАЙЫМБЫЗ

ХЫЗМЕТИҢИЗГЕ ТАЙЫН ДА, ҚАЙЫМБЫЗ

ХЫЗМЕТИҢИЗГЕ ТАЙЫН ДА, ҚАЙЫМБЫЗ
Қанлыкөлли ушырма сөз шебери, лаққы Қуўанышбай Сейтниязов «Жарқын келешек» газетасының мийманы. Оның «Киши бизнес» атлы сатиралық монологин дыққатыңызға усынамыз.

Бираз ўақыт болды, мен де қарап жатпайын деп «киши бизнес»имди ашып алдым. Хызметин айтпайсаң ба, бундай жумыс орны ҳеш жерде еле ашылғаны жоқ. Халыққа хызметимиз сол: Биреў ешкисин ямаса ешегин, жылқысын, сыйырын, түйесин жойытса излеп таўып беремиз. Ал, ҳаялы төркинине кетип қалса, пәкизе әкелип жарастырып қосамыз, жақтырмаса басқасын «таўып» та беремиз, Өзинен көрсин! Ой-бой бала, сизлерге тҮсиндиремен, дегенше мына хызмет телефонынан буйыртпа келип, зарқағып турғанын қарашы.
— Алло, аўа сол жақында ашылған аўырыңды жеңиллетип, жоғыңды таўып, төркиншил ҳаялыңды әкелип қуўастыратуғын «мәкеме-ғой». Сол-сол... Ҳәй, иним-ай, күни-түни хызметтемиз-ғо. Не дейсең? Түйем жойтылып қалды, табылмады дейсең бе? әтирапты изледиң бе, көринбей ме? Жақын жерде ой-пой, қудық жоқ па, еди? Мына күн ҳәм ысып кетти, жақын жерден сасыған-пасығын ийис шықпай ма? Яқшы, иним, түйеңди излеп таўып беремиз. Түйеңниң белгилерин айтып жибер, және басқа биреўдиң түйесин әкелип, уятлы болып қалмайық. Не дейсең, мурнында жырығы бар, дейсең бе? Шырағым-ай, енди жырығын көремиз, деп түйениң мойнына өрмелеп жүремиз бе? Оннан көре төмениректе, бой жетер жерде белгиси жоқ па? Не дейди? Емшегинде қалы бар, дейсең бе? Ўай, иним-ай, қалын көремиз, деп емшегин сыйпалап жүремиз-бе, уятын айтсеш! Яқшы, болады иним, табамыз.
Ҳүў..ик! Анық белгиси болмаса қыйын-дә, кеттик! Мына телефон қурғырдың және сыңғырлаўын қара.
— Алло, аўа сол жумыс орны-ғой, тезирек айтың, бизлер мурнында жырығы, емшегинде қалы бар түйени излеп кетежақпыз.
— Бизиң аўылдың сыртында кешеден берли бир түйе жүрипти, сол шығар, табылар. Аўзыңа май, айтқаның жүдә тәўир болды.
Сиз не демекшисиз? — Не дейди? Ҳаялым кетип қалды. Қай жаққа қарап кетти, маңлайың қурып қалыпты-ғо, иним! Ол неге биротала кетеди, бизиң ҳаяллар азанда кетсе, кеште қайтып келе беретуғын еди-ғо. Сеникине не болған? Не ҳаялымды урып едим. Ўай, иним-әй, ҳәзир ҳаялды уратуғын заман ба? Ҳаяллар еркекти уратуғын болып киятыр еди-ғо. Яқшы, дурыслап урмаған шығарсаң, соннан кейин кетип қалған-ғо. Не менен, қәйтип урып едиң? Белсап пенен бе? Ҳәй, иним-ай, басың ислей ме сениң, ол қурақым болған соң келсап пенен урсаң болады-ғо. Үйден шыға алмай жататуғын еди. Ашыўы тарқап, исик-писиги қайтаман дегенше бир жолын таўып, кеширим алар едиң. Баласынып дурыслап «урмаған» соң ҳаял қатын деген кетпей не қылады? Бизлер ҳаял дегенди көпшик пенен ишине темир салып урамыз. Сылық етип, сес-семирсиз қалады, соңынан өзине келсе, кеширим сораймыз. Кейин үй жумысларына айланысып кете береди. Ҳе, неғыл дейди? Бала нешеў; Екеў? Не биротала ажырасаман, еки балаға алимент төлейсең дей ме? Оның жолыда аңсат, қапа болма, бир илажын табамыз. Яқшы, бизиң «киши бизнес» мәкемесине тез жет! Неғыламан ол жерде, дейсең-бе? Ўәй, иним-ай, бир көйлек бурын тоздырғанның мәсләҳәтине қулақ салыўың керек, айтсақ сениң пайдаңды айтамыз. Сениң ҳаял затынан несийбең күшли екен, иним. Бизге төрт баласы менен ажырасаман, деп келип отырған кең қушақлы, сын-сымбатлы бир ҳаял бар. Оны не қыламан дейсең бе? Басың ислейме өзи сениң, бизге қулақ сал. Мына ҳаял төрт баласына алимент алады. Екеўин балаңа алиментке төлейсең, қалған екеўиникин турмыс рузыгершилигине жумсайсаң, тез жет иним, басқалар алып кетип, еки ортада оннан да бос қаларсаң.
Әне, бизиң «киши бизнес»теги хызметимиз. Келиң, болмаса республикалық «Жарқын келешек» газетасы редакциясы арқалы байланыста болыңыз, хызметиңизге тайын ҳәм қайымбыз!шаблоны для dleскачать фильмы

Пикир билдириу!

Атыныз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Кодды киритин:

Уксас материаллар:

ЕКИ ҚАТЫНЛЫҚ ЯКИ "ОЙНАС"лық ГҮНА МА?!

Пайғамбарымыз Муҳаммед мусылман үмметлерине еки яки бир неше қатын менен

ҚАЙДАН ТАБАМАН?

(Өмирлик жолдасы талап ислеўге кетип келмей қалған жигиттиң «Сенин излеп,

Сайд АХМАД (1920-2007) АВТОБИОГРАФИЯ

Ҳайўанат бағында завхоз уазыйпасында иследим. Төрт тонналық пил еки

«ҚУДАЙЫМ, ҚАРҒЫС АТПАҒАЙМЫЗ» (Ҳәзил-шын ...

Газетада ислеген соң оқырманлардың кеўлинен шығатуғын бурын

ТУРМЫСТАН ТҮЙГЕНЛЕРИМ

Келиң, бир күлисейик!
Сораунама
Сизге сайтымыз унады ма?
Ауа
Як
Онша емес
Болады

Хабарландырыу>> Хаммеси

ЖАЗЫЛЫЎ-2018 (И.А.Крыловтың изинен)

АЙБОЛИТ ДОКТОР: Республикалық, районлық ҳәм тараўлық, бийғәрез, мәмлекетлик емес газета-журналларға үш ай, алты айға жазылып...
Жаналыклар>> Хаммеси
Логин
Пароль
Есте саклау