» » БИР БИЙЖӨНСИЗДИҢ ДЕБДИЎИ яғный, ҳақыйқат ашшы болады

БИР БИЙЖӨНСИЗДИҢ ДЕБДИЎИ яғный, ҳақыйқат ашшы болады

БИР БИЙЖӨНСИЗДИҢ ДЕБДИЎИ яғный, ҳақыйқат ашшы болады
БИР БИЙЖӨНСИЗДИҢ ДЕБДИЎИ яғный, ҳақыйқат ашшы болады
Данышпанларымыз «Тилим саған наразыман, басымның бәлесисең, Тисим саған разыман, аўзымның қаласысаң» дегенин басым тасқа урылғанда уққандай болдым. Туўма бийҳаяшылығым қаныма сиңген, анаў-мынаўыңды ғарғыстан сеспей қатыраман, ойнаған екен. Уят-пуят, дегени мен де жоқ. Ашшы тилимнен шыққан сӨзлерим жыландай жылысып, орайлық базарда болсам, төрт тәрепке, ҳә демей жетип барады. Анаў-мынаўыңды шарбаяланып урыссам бар ма, дуйым-журтқа жеккөринишли етип, қудайына танытаман. Усының себебинен, «пәленше бийҳая» деп көргенлер меннен дәрҳал ала тонын алып қашады. Қашпай көрсин, сыбағасын ийтке жегиземен, билип қойыңлар. Арашалаған 100 процент адамның қапылғанда 60 процентин бийҳаяшылығым арқалы өзиме қаратып, ләм-лим дегизбей қояман.
Мен саған айтсам, әп-әнедей бахытлы шаңарағын быламықтай былғап, шырмаўықтай айландырып отырған қызымның бахтына кес болып, ақыры бузып тынған да усы тилим. Жас шаңарақ бүртик жарып, гүл шығарған нәўше болса, мен соның жапырағына, тамырына түскен қурт болдым. «Атаң болса анадай, енең болса мынадай, күйеўиң болса оңбаған» деп өсек қалтамды «арқаладым»да жүрдим. Ақыры, жас шаңарақты буз...ы...п, тындым. Не қыларымды билмей, ҳәўере-сарсаң болып, «жер жарылмай...» мынаў отырғаным.
Үсийтип жүрип, жақында аўзымнан тағы да «ақ ийт кирип, қара ийт» шыққанын өзим де билмей қалдым. Бетсизлигимди даўам етип, бир абыройлы ҳуқықтаныўшының үйине барып, бийҳаяшылығымды көрсетиўим бар-ғо, тисим батпады, Ҳәмме соның тәрепинде бола берип, абыройым айрандай төгилди. Жумысы бетке барыпта бийҳаяшылық етип едим, бәри де пушқа шығып, ҳәкимшилик жуўапкершиликке тартыла жақ болып, ҳәмледарлығым себепли зорға қалдым.
Енди болса, көшеге шығар бетим жоқ, мешит-қәўимге болса «белгили бийҳая, пәленше» атанып, Үйден ерте шығып кетип, қараңғы түскен де айланаман, мен пақыр. Мине, сол бийҳаяшылығым, тилимниң жүўенсизлиги басыма жетип, халықтың көзине қарай алмай, мынаў баяғыдай «айбарақ»та ура алмай, жер шуқлап отырғаным. Мениң басқаларға берген азап-ақыретлеримди ийтке де «обал»дағы болса керек. Буның да себепшиси усы тилим, арсызлығым ҳәм бийжөнсизлигим болды. Аўа, бәри де өзимнен, ҳәр кимниң қолында жүрип, жетерлише тәрбия көрмегенлигимнен болып отыр. Анамыздың қурсағында таласып емшек емискен туўған-туўысқанларым да усы әдетимди қойдыра алмай қатнасықты қойып, жекесиретип таслады. Бул бийжөн әдетимнен ўаз кешпесем, «Көпти жаманлап, көмиўсиз қаларыма» көзим толық жетти. Булар басқаларға сабақ болсын деймен...

Жақында, биреўлердиң «Ала тонын терисине кийип, ҳәр кимди сабалап, арзагөй болып жүрипти» дегенди еситтим. Олар болса, базар жай, саўда шақапшалары менен жәмийетлик орынларда өз еркинше ҳәр кимге «мен пәлен жерденмен, өйтемен де бүйтемен, отқа басыңды үйтемен», деп қорқытып өзин «реклама» қылып жүрген қусайды. Мешит-қәўими болса, туқым-теберигиң менен «көшә-көш»ти салып атырған. Бундайлардан жаратқанның өзи панасында асырасын.

Адам күни, адам менен» демекши. бул татлы өмирде урыспайық, басқаны алдамайық, алданбайық, қулласы кәлам бассынбайық.

Монологин хатқа түсирген:
Бек КӨЗКӨРГЕН.
[right][/right]шаблоны для dleскачать фильмы

Пикир билдириу!

Атыныз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Кодды киритин:

Уксас материаллар:

ТУРМЫСТАН ТҮЙГЕНЛЕРИМ

Келиң, бир күлисейик!

МИЛЛИЙ ҮРП-ӘДЕТ, ДӘСТҮРЛЕР: ҮРДИС-ҮРДИМ ...

«Салтың болса, халқың бар, Халқың болса даңқың

ЖАҢАДАН МУЗЕЙ АШЫЛДЫ

Еслеў ҳәм қәдирлеў күни алдынан Шымбай районындағы 43-санлы
Сораунама
Сизге сайтымыз унады ма?
Ауа
Як
Онша емес
Болады

Хабарландырыу>> Хаммеси

ЖАЗЫЛЫЎ-2018 (И.А.Крыловтың изинен)

АЙБОЛИТ ДОКТОР: Республикалық, районлық ҳәм тараўлық, бийғәрез, мәмлекетлик емес газета-журналларға үш ай, алты айға жазылып...
Жаналыклар>> Хаммеси
Логин
Пароль
Есте саклау