» » «КИМСЕҢ, ПЕРДЕБАЙ АРТИСТ» БОЛДЫ

«КИМСЕҢ, ПЕРДЕБАЙ АРТИСТ» БОЛДЫ

«КИМСЕҢ, ПЕРДЕБАЙ АРТИСТ» БОЛДЫ
Пердебай Мәмбетмуратов 1937-жылы Шымбай районында туўылды. Шымбайдың өтмишине нәзер салсақ, белгили көркем-өнер ғайраткерлери, бақсы-жыраўлар, қыссаханлар, қосықшы-сазенделер, халық лаққылары, мүсиншилер өсип жетилискенлигине тарийхымыз гуўа. Ерте жыллары Шымбайда жасаған «Бийбигүл қосықшы»ның аты да дуйым-журтқа белгили.
Белгили актёр, қосықшы-сазенде Пердебай Мәмбетмуратов илаҳий берген талантын, пүткил мазмунлы өмири даўамында көркем-өнер тараўын раўажландырыўға бағышлады. Ол ойнаған роллери, айтқан лапызлы қосықлары, дуўтарда шерткен сазлары менен ўақтында «Кимсең, Пердебай артист» болып, халық аўзында қалды.
— 1959-жылы Шымбай колхоз театры қайта шөлкемлестирилди, -деди П.Мәмбетмуратов. Шымбай колхоз театрында Худайберген Турдықулов, Әбдирейим Султанов, Гүлхан Ширазиева, Тилеўхан Ахметова, Әнийпа Өтебаева, режиссёр Рейимбай Ержанов, Бекмурат Султанов, Улбосын Аллаяровалар болды. Усы театрға Маўлен Аралов басшылық етип, театрдың ашылғаны ҳаққында хабарлардырыўларды самолёт арқалы таслады. Усы сапары Т.Сейтжановтын «Дәмегойлер» пьессасы менен театр сахнасы ашылды, мен театрдың көркемлик жақтан басқарыўшысы едим. Сол жыллары актёрлардан Базарбай Нуржанов, Рудаш Исакова, скрипкашы Бекмурат Султанов (ҳәзир Шымбай районы Қ.Айымбетов көшесинде жасайды), скрипкашы Башир Далиевлар менен бирге узақ жыллар ислестик.
Алпысыншы-жыллары театрда Ә.Өтеповтың «Гүман», «Жалқаўдың ҳийлеси», «Дәмегөйлер», «Жәннет ҳәм опат», С.Хожаниязовтың «Талўас», Ж.Сейтназаровтың «Исенбесең өлемен» пьессалары қойылып, бас роллерди Пердебай Мәмбетмуратов, Рудаш Исаковалар, Саодат Салаева, Мәмбетбай Садықов, Базарбай Нуржанов, Сәрсен Каримов, Орал Өтегенова, Кеңесбай Әсенбаевлар ойнап, актёрлық ҳәм сазенделик етти. Сахналық көринислерди таярлаўда Айымхан Шамуратова, Жолмурза Аймурзаевлар жақыннан жәрдемлер көрсетти.
Улыўмаластырып айтқанда, Шымбайда 1959-жылы Шымбай халық театры, Кейин ала «Зийўар»қосық-ойын халық ансамбли, Г.Ширазиева атындағы қалалық халық театры, Д.Юлдашов атындағы халық театры, «Бесперде» фольклор-этнографиялық халық ансамбли ҳәм «Толқын» вокал-инструменталлық халық ансамбли болып шөлкемлестирилди.
Жетписинши жыллары Юсипбай Сатуллаев, Роза Мадаминова, Казбек Сапарбаев, Гулайым Оразымбетова, Алламберген Наўрызов ҳәм басқа да көплеген шәкиртлеримиз бар өнери, таланты менен халыққа танылды.
Бул ансамбллерге Өзбекстан Республикасы Мәденият министрлигиниң арнаўлы қарары менен «Халық театры» ҳәм «Халық ансамбли» ҳүрметли атақлары берилген.
Өткен дәўир ишинде Шымбай районлық мәденият бөлимине Нағийма Қаражанова, Қурбан Оразымбетова, Байжан Бабажанов, Зерхан Досымбетова, Генжемурат Нағметуллаев, Дамир Әбдимуратов, Гулайда Изаметова, Бийсенбай Пирназаров, Сийпатдийин Шарапов, 2004-жылдан азғана үзилиспелери менен Айпарша Кәримбаева басшылық етип келмекте.
Кешеги П.Мәмбетмуратовтың шәкиртлери Қарақалпақстан ҳәм Өзбекстан Республикасы көлеминде өткерилген илажларға көркем-өнер шеберлери, халық ансамбльлериниң ағзасы сыпатында белсене қатнасып киятыр. Бүгинлиги пидайы басшы, шебер шөлкемлестириўши Айпарша Кәримбаеваның басшылығында қолға киргизилип атырған бундай жетискенликлерди айтсақ ада болмайды...
Мақаламыздың қаҳарманы белгили көркем-өнер шебери, актёр, сазенде П.Мәмбетмуратов өмирлик жолдасы Клара Аллиярова менен еки ул, еки қызды кәмалатқа жеткерип, олардан ақлық-шаўлық, ҳәттеки, қуўлық сүйип отырған бахытлы ата.
Рети келгенде айтыўымыз керек, ақлығы Мухаммедалий Пердебаев Шымбай экономика колледжин питкерип, хабар-технологиясы бойынша күшли қәниге. Ол Жаслар аўқамының атынан Бухара ҳәм Кашкадәрья ўалаятларында өткерилген «Журт келешеги» таңлаўларына хабар-технология бағдары бойынша қатнасып, сыйлы орынларды ийеледи, арнаўлы диплом, баҳалы саўғалар менен сыйлықланып, жүзи қуўаныштан гүл-гүл жайнап қайтты.
Ҳәзирги ўақытта да, интернет тармағынан веб-сайт жаратыў бойынша алдына адам салмайды, десек қәтелеспеймиз.
Биз белгили актёр, сазенде, қосықшы П.Мәмбетмуратовтың мектебинен шыққан шәкиртлери елеберин, Өзбекистан елинде, Қарақалпақстан жеринде, Шымбайдай қутлы мәканда көркем-өнер тараўының тилсимли қудиретин, даңқын айлы әлемге таныта беретуғынына беккем исенемиз.

Бекбай САПАРОВ,
Өзбекстан Журналистлери дөретиўшилик аўқамының ағзасы.
Сүўретте: (ортада) белгили актёр П.Мәмбетмуратов
«Бағдагүл» спектаклиндеги Шамшет болыс ролинде.
шаблоны для dleскачать фильмы

Пикир билдириу!

Атыныз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Кодды киритин:

Уксас материаллар:

Жаслар жарқын келешегимиз ЖЕҢИМПАЗ ҚЫЗЛАР

Өзбекстан Республикасы Президентиниң Пәрманы менен Мәмлекетемизде бир

Жақсыбай ҚАЛМУРАТОВ: Өзбекстаннан бир өзи қа ...

«Ҳештен кеш жақсы» демекши усы жыл 1-7-март күнлери Қазақстан

«БИР ТЕРЕКТИҢ ШАҚАСЫНДАЙ УРПАҚПЫЗ»

Өзбекстан Республикасы Президенти Ш.М.Мирзиёвтың басшылығында

ЖАҢАДАН МУЗЕЙ АШЫЛДЫ

Еслеў ҳәм қәдирлеў күни алдынан Шымбай районындағы 43-санлы

Бас редактор Бекбай Сапаров

САПАРОВ Бекбай Кәримбай улы ҳаққында мағлыўмат...
Сораунама
Сизге сайтымыз унады ма?
Ауа
Як
Онша емес
Болады

Хабарландырыу>> Хаммеси

ЖАЗЫЛЫЎ-2018 (И.А.Крыловтың изинен)

АЙБОЛИТ ДОКТОР: Республикалық, районлық ҳәм тараўлық, бийғәрез, мәмлекетлик емес газета-журналларға үш ай, алты айға жазылып...
Жаналыклар>> Хаммеси
Логин
Пароль
Есте саклау