» » ОҚЫҢ, БИРАҚ ЖЫЛАМАҢ! пушайман болған жигиттиң монологи

ОҚЫҢ, БИРАҚ ЖЫЛАМАҢ! пушайман болған жигиттиң монологи

ОҚЫҢ, БИРАҚ ЖЫЛАМАҢ! пушайман болған жигиттиң монологи
Мениң Анамның бир көзи жоқ еди. Мен буннан жүдә уялар едим. Анама бәрҳама қырсығып, кеўлине тийетуғын бүгинги күни билсем, жети жүйресинен өтетуғын болмағыр гәплерди айтқанман.
Бир күни Анам мен оқыйтуғын мектепке асханашы болып жумысқа алынған екен. Анам классыма келип, атымды айтып шақыра баслады.Мен болсам классласларымнан уялып анамды танымайтуғын адамға уқсап отырдым. Ол илажсыздан асханасына қарай кетип қалды...
Классласым Асқар келип: — Сениң Анаңның бир көзи соқыр екен-ғой, деп мени мазақлай баслады. Мен қатты ашық менен үйге келип Анама неге классыма барасаң, мени неге дүньяға келтирдиң, мазаққа қалсын, деп туўдың ба? -деп арсынып жыладым. Бул болмағыр ақыр гәплердиң бийжөн екенлигин енди билип, ишимде биреқ шат сүйреп жүргендей мынаў пушайман болып, қыйналып отырғаным.
Сол жылы мектепти тамамладым. Кейин жат журтларға талап ислеўге кеттим. Көп узамай турмыс қурдым. Ул-қызлы да болдық.
Бир күни жумыстан үйге келсем, Анам излеп келген екен. Балаларым Анамның бир көзи жоқ соқыр екенлигин көрип, үрпейсип қалды. Тасбаўыр мен Анама балларым сеннен қорқысып атыр, деп жақтырмаған түр билдирдим. Анам болса, көзиниң жасын етеги менен сыпырып, кеширерсиз балларым, мен бул жерге баламды излеп келген едим, -деди. Мен болса, жоқ сиз басқа жерге адасып келип қалдыңыз, дегенлерим есимде. Анам ериксиз орнынан турды да, үйден шығып кетти...
Бирге оқыған классласларымнан 20 жыллығымызды белгилеўге байланыслы миратнама келди. Енди аўылға қай бетим менен бараман. Жалғыз баслы Анамның күни не кешип атыр екен, аўылласларым не дейди, дегендей сораўлардан басым мең-зең болды.
Ақылға келиўден туўры үйге қарап жол алдым. Барсам қара қулп илдириўли, адам-бенде жоқ екен. Мени көрген қоңсы апай, мени қушақлап, бир майдан даўыслап жылап-сықлап алды да:
— Балам, сениң Анаң жыл даўамында наўқасланып, есиктен үмитленип жатты, пақыр. Ыссы-суўығына қарадым. Анаңның өлер алдындағы соңғы сөзлери сен болдың. Анаң маған мына хатта аманат, деп услатып, тек балам оқысын, деп зинҳарлап кетти. Хатты ашып оқый басладым...
Баўырым, балажаным! Түбинде сениң усы иргеге бир келериңди билер едим. Жыллар даўамында жолыңа қарап интизарлық пенен күттим. Шыдай алмай излеп бардым, хабарың бар. Барлық үмитлерим пушқа шықты. Балаларыңды қорқытқаным ушын кешир, балам! Сол сапары қабыл етпесеңде, дийдарыңды бир көргеним ушын шүкиршилик еттим. Сениң балалығыңда бир көзиңнен аўырып, шыпакерлер кейин ала еки көзиңниң де көрмей қалатуғынын айтты. Әкең пақыр болса төсекте ҳал үстинде жатыр еди. Сениң көзсиз қалыўың мен ушын кеширилмес аўыр жағдай болатуғынын билер едим. Нйлаж, бир көзимди сениң келешек бахтыңды ойлап, Аналық меҳрим ретинде инәм еттим...
Бул хатты оқып, көзиңе ериксиз жас аларсаң, жыла ма, сениң барлығыңа шүкир. Өмирдеги арттырғаным тек өзиң болғаннан соң сени ҳәр қандай бәле-мәтерлерден, қәтерден қорғап, пәрмана боламан, деп АНАҢ!.
Анамның жазып қалдырған хатынан қатты түсирлендим. «Жер жарылмады, мен кирмедим». Барлық қылған қәтеликлериме бир өмир пушайманман. Әне, аспанда ақ бултлар қалқып, көшип баратыр. Анамның дийдарын сағындым...

Монологти Шахноза ПЕРДЕБАЕВА таярлады.
Монолог тәсирли ме, заманласларың менен пикирлес, олар не дейди?

«Жарқын келешек» газетасының 2015-жыл 16-июнь №12(24) санынан.
шаблоны для dleскачать фильмы

Пикир билдириу!

Атыныз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Кодды киритин:

Уксас материаллар:

ӨЛИГИН МОЙНЫМА САЛДЫ (Болған ўақыя изинен)

Бул ўақыяны ерте де Ташкент ўалаяты Ахангаран районы «Эйвалик» посёлкасында жазасын

ХЫЗМЕТИҢИЗГЕ ТАЙЫН ДА, ҚАЙЫМБЫЗ

Қанлыкөлли ушырма сөз шебери, лаққы Қуўанышбай Сейтниязов

ЖАРҒАНАТТЫҢ ПӘРЛЕРИ НЕГЕ ЖУЛЫНҒАН

Жарғанаттың пәрлериниң жулыныўы туўралы ҳәр қыйлы

СҮМЕЛЕКтиң тәғдири (ҳәзил–шыны аралас)

Азан менен пырылдап уйықлап жатсам, қатыным үйреншикли әдетин баслап

ҚАЙДАН ТАБАМАН?

(Өмирлик жолдасы талап ислеўге кетип келмей қалған жигиттиң «Сенин излеп,
Сораунама
Сизге сайтымыз унады ма?
Ауа
Як
Онша емес
Болады

Хабарландырыу>> Хаммеси

ЖАЗЫЛЫЎ-2018 (И.А.Крыловтың изинен)

АЙБОЛИТ ДОКТОР: Республикалық, районлық ҳәм тараўлық, бийғәрез, мәмлекетлик емес газета-журналларға үш ай, алты айға жазылып...
Жаналыклар>> Хаммеси
Логин
Пароль
Есте саклау