» » ҮШ АҚЫЛ (Әпсана)

ҮШ АҚЫЛ (Әпсана)

Бурынғы өткен заманда, қус жолы галактикасы таманда Куяш атлы меҳрийбан ана болыпты. Оның аспандай ашық минезли, жулдызлардай ушқын атқан көзлери бар, бир-биринен ағла тоғыз улы, бир қызы бар екен. Уллары-Меркурий, Жер, Марк, Фаэтон, Юпитер, Сатурн, Уран, Нетун, Плутон, деп аталар екен-дә, қызының аты (Венера) Шолпан екен.
Бир күни №уяш он перзентин қасына шақырып алып, былай депти: — Улларым ҳәм мениң сүйикли қызым Шолпан! Енди сизлер ержеттиңлер. Қасыма шақырып отырғандағы себебим, туўған уяңыздан турмыс атлы үлкен өмирге қәдем ататуғын ўақтыңыз жетти. Қанат қомлап, ушатуғын пайытыңыз келди. Өз бахытларыңызды өзлериңиз таўып алың. Жүрер жолыңызды, басар таўыңызды белгилеп бериўим де мүмкин еди. Лекин, мен олай етпеймен. Бәрибир мен сызып берген ҳәм шекленген соқпақтан жүрмес те едиңиз. Ҳәр бир ана балаларына ғамхор, соның менен бирге олардың келешегине жуўапкер де болады. Солай болса да, перзентлерине бахыт үлестирип бериў - аналардың қолынан келмейди. Бирақ, ақыллы бала өз анасын ҳүрметлейди, өз соқпағын өзи таўып ала алады. Анасын сүйе билгенлер нағыз бахытқа ериседи.
Сизлерди қыяға ушыра отырып, үш ақыл айтып кетпекшимен.
Бириншиси: Бир-бириңизден иргеңизди оншелли аўлаққа баспаң. Татыў болыңлар. Бир ананың балалары екнелигиңиз ҳәректелериңизден билинип турсын.
Екинши ақылым: Жүрегиң тастан болмасын. Урпақларыңызды көбейтип ҳәм оларды бәрқулла әтирапыңыздан алыслатпай сақлаўға умтылың. Соны умтыпаң: жүреги тастан жаратылған ананың шаңарағы муздан болады. Оның балалары көбейгени менен жерине гия көгермейди.
Үшинши ақылым: Анаңызды ҳеш қашан умытыўшы болмаң! №анша алыс жасасаң да жылына бир мәрте айналып келиўди үрдиске айландырыңлар. Тағы бир айтарым, басқаның жерине көз алартырып, тынышлығын бузыў үлкен гүна есапланады. Онда ондай перзентти ана ғарғысы урады, оңдырмайды.
Егер усы айтылған үш ақылды булжытпай әмелге асырсаңызлар ҳеш қашан хор болмайсыз. Анаңды сыйлаң. Мениң де анам бар еди. Анамның да анасы болған, жаратылыстың тийкарын алатуғын болсақ, ҳәммемиздиң анамыз биреў! Ол-уллы жаратыўшы «Тәбият» деп аталады.
Оның бул ҳикметли гәплерин балалары уйып тыңласыпты да тарқасып кетипти. Өзлери қәлеген орынлардан мәкан таңлап, қоныс басқан екен. Ең меҳрибан балалары Меркурий. Шолпан. Жер -анасы Қуяштан онша алыслап кетиўди қәлемеген. Бирақ, ең генжеси Фаэтон жүдә өжет болғанлығы себепли, бир жерде турақлы мәкан баспай әлемди көп гезипти. Ағалары ийелеген жерлер оған ең жақсы жерлер болып туйылып, ишинде қызғаныш оты жанады. Өзиниң жас кишилигине, анасының зинҳарлап айтқан нәсиятларына қарамай, ағаларының қонысларына қайта-қайта топыла берип, Марс пенен Юпитердиң мазасын кетирип, Жерди де бираз тәшиўишке түсиреди. Ағаларының ақыл айтып урысқан сөзлерин кеўлине аўыр алып тулланған ерке Фаэтон, олардың шарбақларын қыйрата өтип, қоңсысы Галактиканың жерлерине топылыс жасайды. Солай етип, өзине қолайлы мәкан басып алыўға жүрис етеди. Буның бәрин қас қақпай гүзетип турған Қуяш ана қатты қәҳәрленгенликтен жүзи көмирдей қараўытып кетипти. Оның қәҳәрли көзлеринен атлыққан ғәзеп ушқынлары найзағайға айланып, қоңсы Галаттикаға атланған Фаэтонды күйдирип, күл етип жиберген екен.
Перзентиниң қайтыс болыў қайғысына ҳәм уятқа шыдамаған ананың өзи де бираз мәўрит сулқ болып естен танып қалады. Ол көзин ашқанда, балаларының тоғыз болып қалғанын, олардың барлығына да пәрмана болып, қалаған балаларының әтирапында шыр-гүбелек айланып жүргенин көрипти. Бир тентек улының шеннен шыққан тәккабырлығы менен жаўызлығы №уяш ана кеўлине ғулғула салып, оның жүрегинде де, жүзинде де өшпестей дақ қалдырған екен. Егер сиз Қуяш ананың жүзине тик қарсаңыз айғыз-айғыз болып қалған көз жаслар орнын, қараўытқан дақларды көресиз.
Мине, «Бир анадан ала да, қул да туўады» деген. Бирақ буған ана айыплы ма? Жоқ! №уяш ананың балалары ишинде жүреги тастан, сонлықтан да шаңарағы муздан жаратылған уллары аз болмаса керек. Булардың бәри-ананың үш нәсиятын перзентлериниң қалай қабыллаўына, оны қалай иске асырыўына байланыслы болса итимал. Ананың аты бәри бир-Ана! Ол барлың перзентлерине меҳри қуяшын теңдей шашыўға, ҳеш бирин алаламаўға умтылады. Лекин, бул меҳри Қуяшты ким қалай қабыллап, ким өзине қалай сиңирип атыр, баслы мәселе мине усында!
Сәдирбай ИСМАЙЛОВ.
шаблоны для dleскачать фильмы

Пикир билдириу!

Атыныз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Кодды киритин:
Сораунама
Сизге сайтымыз унады ма?
Ауа
Як
Онша емес
Болады

Хабарландырыу>> Хаммеси

ЖАЗЫЛЫЎ-2018 (И.А.Крыловтың изинен)

АЙБОЛИТ ДОКТОР: Республикалық, районлық ҳәм тараўлық, бийғәрез, мәмлекетлик емес газета-журналларға үш ай, алты айға жазылып...
Жаналыклар>> Хаммеси
Логин
Пароль
Есте саклау