» » ЖАРҒАНАТТЫҢ ПӘРЛЕРИ НЕГЕ ЖУЛЫНҒАН

ЖАРҒАНАТТЫҢ ПӘРЛЕРИ НЕГЕ ЖУЛЫНҒАН

ЖАРҒАНАТТЫҢ ПӘРЛЕРИ НЕГЕ ЖУЛЫНҒАН
Жарғанаттың пәрлериниң жулыныўы туўралы ҳәр қыйлы әпсаналар бар. Бурында Сулайман патша жер жүзиниң қусларының патшасы болған деседи. Патшаның ҳаялы бир күни ерине мен тастан салған жайда да, ағаштан салған үйде де турмайман. Маған қуслардың пәринен үй соқтырып бересең депти. Патша әри-бери тыңламай жүрипти. Бирақ ҳаялы өз сөзинде турып алыпты. Соннан кейин ўәде берипти.
Бир күнлери барлық дүнья жүзиниң қусларының жасы үлкенлерин шақырыпты. Соның ишинде байыўлы келмей қалыпты. Байыўлыға жасаўыл жиберипти. Барған жасаўылға мен бара алмайман. Ой ойлап отырман, -депти. Қайтып келген соң және екиншисин жиберипти. Оғанда мен бара алмайман. Ой ойлап отырман, -депти. Буған ашыўланған патша байыўлыға қаршығаны жиберип, қалай болмасын алып келесең депти. Байыўлыны алып келемен дегенше патша қуслардың жасы үлкенлери менен ойласыпты. Қуслардың жасы үлкенлеринен көпшилиги патша ҳәмири қуда ҳәмири деген. Пәрден үй соғып бер деген болса орынласаңыз болады депти. №аршыға байыўлының жатырған жерине барыпты. Байыўлы ҳеш көринбейди. Сени патша шақырып атыр депти. Мен ой ойлап отырман, -депти. Алып кетейин десе қай жерде жасырынып отырған жери көринбейди. Соннан соң қаршыға сумлық ойлап мен де ой ойлап едим. Саған ойласайын деп келдим депти. Ойлассаң айта бер, депти байыўлы. Мен айтатуғын адамның өзин я қәўметин көрмей кимге айтаман депти. Сол ўақытта байыўлы жасырынған жеринде тикке бирден турыпты. Қаршыға қағып алыпты. Байыўлының биресе тикейип, биресе буғып қалатуғын әдети де соннан қалыпты. Қаршыға байыўлыны патшаға әкелип берипти. Сулайман патша үш жасаўыл жибердим неге шақырғанда келмедиңиз депти. Тақсыр ой ойлап отырып едим, -депти.
Ой ойлап отырған болсаң, мен саған бир нешше саўаллар беремен депти патша. Айтың тақсыр, депти байыўлы. Сонда патша дүньяда өли көп пе, тири көп пе, деп сорапты. Өли көп тақсыр депти. Өли не себеп көп болады дегенде.
Күн шыққанша жатқан адамды да өлиге есаплаймыз тақсыр депти. Дүньяда ҳаял көп пе, еркек көп пе деп сораса, ҳаял көп тақсыр депти. Ҳаял не себеп көп болады десе. Ҳаялдың тилине ерген еркеклерди де ҳаял деп есаплаймыз тақсыр депти. Дүньяда адам көп пе, қуслар көп пе деген сораўына. Адам көп тақсыр депти. Адам не себептен көп болады деген екен. Сизиң қусларды усы жулдырыўыңыз болса, қуслар қалып та жарымайды тақсыр, -депти.
Байыўлыдан бул гәпти еситкен патша қуслардың пәринен үй соқтырыўды сол ўақытта тоқтатыпты. Бирақ бул ўақытқа шекем жарғанаттың пәрлерин жулдырып үлгерген екен. Ол ўақытта ең сулыў қуслардың бири жарғанат болған деседи. Сөзин патшаға өткергенликтен болса керек, соннан кейин байыўлыны «кийели қус» деп те атайтуғын болған.

АҚЫЛЛЫ ҚУМЫРСҚА
Сулайман патша қумырысқаның турқы сымбатына қарап қызықсынып оннан сорапты:
Басың неге үлкен?
Ақыллыман, тақсыр!–депти қумырысқа.
№уйрығың неге үлкен?
Қарыўлыман, тақсыр.
Белиң неге жиңишке?
Қәнәәтшилман тақсыр!
Ақыллы болғаңда не ислейсең депти.
Мен қыстың ғамын жазда ойлайман.№ыстағы керекли болған затларды жазда жыйнап қояман,–депти.
Қарыўлы болғаңда қанша нәрсе көтересең депти.
Өзимниң аўырлығымнан жүз еседен артық зат көтеремен депти.
Қәнәәтшил болғанда қанша жейсең депти.
Жылына бир арпа жеймен депти. Буны сынап көрмекши болған Сулайман патша бир арпа менен бир жылға ўәделесип қумырысқаны көмипти. Бир жылдан кейин ашып алыпты. Қараса бир арпаның ярымын ғана жеген екен.
Сонда патша: Сиз неге бир арпаны толық жемедиңиз депти. Тақсыр, сиз мени көмгениңизди умытып кете ме деп және бир жылға мөлшерлегеним еди депти.
Патша қумырысқаға сиз ҳақыйқатында да ақыллы қумырысқа екенсиз депти.

Шәригүл ПАЙЗУЛЛАЕВА.шаблоны для dleскачать фильмы

Пикир билдириу!

Атыныз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Кодды киритин:

Уксас материаллар:

КЕЛИҢ КҮЛИСЕЙИК!

Болгариялы гавроволылар ҳақ кеўил, ҳәзилди зейнине келтириў түўе,

«БИЛМЕЙМЕН»ди билесиз бе?

Халқымызда «Билемен» дедим тутылдым, «Билмеймен» дедим қутылдым», деген терең

ТУРМЫСТАН ТҮЙГЕНЛЕРИМ

Келиң, бир күлисейик!
Сораунама
Сизге сайтымыз унады ма?
Ауа
Як
Онша емес
Болады

Хабарландырыу>> Хаммеси

ЖАЗЫЛЫЎ-2018 (И.А.Крыловтың изинен)

АЙБОЛИТ ДОКТОР: Республикалық, районлық ҳәм тараўлық, бийғәрез, мәмлекетлик емес газета-журналларға үш ай, алты айға жазылып...
Жаналыклар>> Хаммеси
Логин
Пароль
Есте саклау