» » ЫРЫМШЫЛ КЕМПИР (Ҳәзил-шыны аралас)

ЫРЫМШЫЛ КЕМПИР (Ҳәзил-шыны аралас)

ЫРЫМШЫЛ КЕМПИР (Ҳәзил-шыны аралас)...
... Кемпирәкең, жатып-жатып иши пискеннен соң бүкшеңлеп, таяғына сүйенип, қоңсысының үйине барайын, деп есик алдына шықты. Аўыл ишиндеги соқпақ пенен бираз жүрип киятыр еди, ойламаған жерден қоңсының пышығы алдынан кесип өтти.
- Ҳәй, әдира қалғыр! Жолым болмай қалды-ғо. Басқа жерден өтсе ГАИ услап алатуғындай мениң алдымнан кесип өткени нес...? Не қылсам екен? Жолыңды қара пышық кесип өтсе жолың болмайды, деўши еди, марҳум анам пақыр. Бул жаман ырым, пенсиямды бермей қояды, шашым түк қалмай түсип, тақырбас кемпир аталсам ше. Ал, дым өлмейтуғын болып қалып, пенсиямды ала берип, ҳүкиметке зыян келтирсем мени ҳеш ким де тәўир көрмейтуғын шығар. Қой қурысын, ол жағын ойласам кеш болмайды, жатсам, таң атпайды.
Неде болса, бәле-мәтерди кетириў ушын, бурынғының адамлары айтқандай, камзолымды терисине кийип алайын. Ой..ип..бей, қурған маңлайым, камзолымнын алдын артыма қаратып кийип алыппан-ғо. Мейли, галошымды да аўмастырып терисине кийейин. Ойппей... белим... Қыз ўақтымда қыпша бел едим, енди болса сыйыр бел болып қалыппан-ғой. Тағы да кейинге шегинип, жети адым атлап, үш мәртебе калима-шадаат қайтарайын. Шегинип жүре бергениде сол, аяғы айқасып кетип, отыра қалды. Қасынан өтип баратырған бир жигит оны орнына турғызды. Рахмет айналайын, берекет тап, деп болып неге суқланып қарай бересең, көмеклескениңе ақша сорайжақсаң ба, деп насырға шапты кемпир.
Усылайынша кемпир «ғаррылықтың күни қурысын» деўи менен орнына ушып турса түси екен...

Соңғы сөз орнына: Бул «жаман болады»лардың астарында не жатыр екен? Талқыға салып, пикир билдирип көрейик.
Ең көп таралған ырым «Жолыңды қара пышық кесип өтсе жаман болады». Ырымшыл кемпирдиң ойлағанындай, биреўлер сол жолдан кери қайтса, екиншилери басқа адам яки машина өтип кеткенше күтеди, гейбиреўлер үш мәртебе калима-шадаат қайтарып, түпирип-түпирип кетеди...
Пышық - қара ма, ақ па түри-түсинде турған гәп жоқ, бәри де тиришилик ийеси. Ол да өз бетинше еркин жүриўди қәлейди. Жолдан арман-берман өтиўи мүмкин. Оның сениң менен жумысы жоқ. Өзи менен өзи еркин жүрген пышықты гүналаў қәте, деп есаплаймыз. Демек, бул ырымда логика жоқ есабы.
Ырым-тыйым сөзин екиге бөлип қараўға болады. Ырым-шеклеўлер, психологиялық жақтан аўытқулар. Ал тыйымға келсек, бул адамды ҳәр қандай бахытсызлықлардан қорғаў ушын айтылған салтымыз.
Ең баслысы, адамның нийети дүзиў болыўы, ҳәр қандай жағдайда жақсылыққа жорыўымыз керек. Халқымыз «Жақсы сөз, жақсы ойдан туўылады» дейди. Жаманлық келеди, деп күтсең, әлбетте, келиўи турған гәп, себеби, оны өзиң шақырып турсаң.

Бекбай САПАРОВ таярлады.
Автордан: Бул тема бойынша қалыс пикир билдириўшилер болса, қолымыз көксимизде, есигимиз айқар ашық, МАРҲАМАТ!
шаблоны для dleскачать фильмы

Пикир билдириу!

Атыныз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Кодды киритин:

Уксас материаллар:

ҚАРАҚАЛПАҚ ЫРЫМ ЕТЕДИ…

«Қарақалпақ ырым етеди, ырымы қырын кетеди»ме?

«ҚУДАЙЫМ, ҚАРҒЫС АТПАҒАЙМЫЗ» (Ҳәзил-шын ...

Газетада ислеген соң оқырманлардың кеўлинен шығатуғын бурын

КИТАП-БИЙБАҲА ҒӘЗИЙНЕМИЗ «Китаптан ақыллы ҳ&# ...

Китап — бул шексиз дүнья, ой-пикирлер ғәзийнеси болып, сиз бенен бизиң

ЖҮЗИ ШЫРАЙЛЫНЫҢ, СӨЗИ РАЙЛЫ БОЛАДЫ

Бәркамал әўладты тәрбиялаў, кәмилликке ерисиў машақатлы мийнетти

БИР БИЙЖӨНСИЗДИҢ ДЕБДИЎИ яғный, ҳақыйқа ...

Данышпанларымыз «Тилим саған наразыман, басымның бәлесисең, Тисим
Сораунама
Сизге сайтымыз унады ма?
Ауа
Як
Онша емес
Болады

Хабарландырыу>> Хаммеси

ЖАЗЫЛЫЎ-2018 (И.А.Крыловтың изинен)

АЙБОЛИТ ДОКТОР: Республикалық, районлық ҳәм тараўлық, бийғәрез, мәмлекетлик емес газета-журналларға үш ай, алты айға жазылып...
Жаналыклар>> Хаммеси
Логин
Пароль
Есте саклау