» » ҚАРАҚАЛПАҚ ЫРЫМ ЕТЕДИ…

ҚАРАҚАЛПАҚ ЫРЫМ ЕТЕДИ…

ҚАРАҚАЛПАҚ ЫРЫМ ЕТЕДИ…
- «Босағаны бас па, босаға да керилме» дейди. Себеби, босаға кийели қәдем жай, ондай жағдай сол босағаға ҳүрметсизлик, менсинбеўшилик деп түсиниледи.
- Ҳәр күни азанда шыққанда босағаны баспай оң аяғыңыз бенен атлап өтип «Бисмилла, сапарымды бергей» деген нийет пенен кеўлиңди ҳаққа берип шығыў керек.
- Бир жаққа кетпекши болсаңыз қыйналып шығыўға болмайды, онда жолыңызды байлаған боласыз.
- Үйде сипсени тикейтип қойыўға, қолды жуўғаннан соң силкиўге болмайды.
- Базарға мал сататуғын болсаң, ҳәррениң уясын түтетесең, сонда қарыйдар ҳәрредей быжнайды.
- Сыйырдың сүти ирисе, орақ пенен қарыйды.
-Шақы жоқ сыйыр асырасаң, үйиңде берекет болмайды.
- Қоразлар биймезгил шақырса, елде таза пәрман шығады.
- Ер бала таўықтың мойнын жей берсе үйлене алмай көп жүрип қалады.
- Егер үйдиң жанына байыўлы келип шақыра берсе, сол үйде қайғылы ўақыя жүз береди.
- Егер қапыда турған өрмекшини көрсең: «Қонақ болсаң қолға түс, Жолаўшы болсаң жолға түс» дейсең. Егер қолға түссе қонақ келеди. Ал жолға, жерге түссе жолаўшы болғаны.
- Тиси шыққан бала жөнсиз жылай берсе, уй аяқ кийиминиң ултаны менен аўзына әсте үш мәртебе урыў керек. Сонда үйге киятырған бахытсызлықтың алдын алған боласыз.
- Адамға қарап, еснеўге, керилиўге болмайды, ериншеклиги жуғады.
- Әўлийеге қарап, қол шошайтыўға, кесек атыўға болмайды.
- Еки түрли шулық кийсең, қатының,, балларың урлықшы болады.
- Қыз баланы (малды) тебиўге болмайды.
- Көпшикке отырсаң, бассаң ақылсыз боласаң.
- Белди ҳәм басқа да мийнет қуралларын сүйретип жүриўге болмайды.
- Сыйырды күн батқан соң ашық ҳаўада саўыўға, сүтти қараңғы түскен соң ашық алып жүриўге болмайды. Сүтке ай, жулдыздың жақтылығы түссе саўын малдың сүти тартылып қалады.
- Нәрестениң үстине келген яки ықласы кеткен адам баланың желке тәрепине түпирип шоршындырыў керек. «Көз тийди» деп гүманланған адамды әкелип, нәретениң желке таманына түпириўи яки сол адамның жаны ашығандай кийиминен кесип алып, нәрестеги түтеттирип, түшкирттириў керек.
- «Р» ҳәрибин айта алмайтуғын балаға сүтти ямаса суўды тили менен жалатып ишкизе берсең, айтып үйренип кетеди.
- Жумыс ислеп атырғанда яки бир затты сатып алғанда биреў шын ықласы менен таңланса, «көзиңе дуз» деп айтып, нәзерин қайтарып таслаў керек.
- Өли оң жаққа шығарылған соң ғана даўыс шығарыўға рухсат етиледи.
- Өлини суўға ендирип атырғанында даўыс шығарыўға болмайды.
- Биз де «айнадан кирип шықпа» деген жаман ырым бар. Себеби, бир үйден еки яки үш адам қайтыс болғанда қапыдан, айналардан шығарып, ырым ислейди.
- Өлини үйден шығырып атырғанда яки намаз жайдан алып баратырғанда өтип кеткенше түргелип турыўымыз, емизиўли нәрестени болса қолда көтерип турыў лазым.
- Өлини жерлеп атырғанда белди қолдан-қолға бериўге болмайды, себеби сен илажсыздан жерлеп атырса...
- Лазым-садақаларда қос табақты алып жүриўге болмайды, себеби қос табақты алып жүриў қуўаныштың белиси.
Деген менен «Қарақалпақ ырым етеди, ырымы қырын кетеди» дегенде гәп бар. Ырымға исениў яки исенбеў ҳәр кимниң өзине пайлы.

Халық аўзынан.шаблоны для dleскачать фильмы

Пикир билдириу!

Атыныз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Кодды киритин:

Уксас материаллар:

ҚАНАТЛЫ ГӘПЛЕР

Халықтың тилинде «Мен саған түлкишек айтып отырман ба?» деген гәп

ТҮРК ТИЛЛЕС ХАЛЫҚЛАР ШЕЖИРЕСИНЕН

Биринши Президентимиз айтқандай: «Өтмишин қәстерлемеген

ЫРЫМШЫЛ КЕМПИР (Ҳәзил-шыны аралас)

... Кемпирәкең, жатып-жатып иши пискеннен соң бүкшеңлеп,

БАЛА ЖОЛДАСЫ – «КИНДИК ШЕШЕ»

Бурынғының адамлары, яғный, гөнекөз кемпир-ғаррылар киндигин

МИЛЛИЙ ҮРП-ӘДЕТ, ДӘСТҮРЛЕР: ҮРДИС-ҮРДИМ ...

«Салтың болса, халқың бар, Халқың болса даңқың
Сораунама
Сизге сайтымыз унады ма?
Ауа
Як
Онша емес
Болады

Хабарландырыу>> Хаммеси

ЖАЗЫЛЫЎ-2018 (И.А.Крыловтың изинен)

АЙБОЛИТ ДОКТОР: Республикалық, районлық ҳәм тараўлық, бийғәрез, мәмлекетлик емес газета-журналларға үш ай, алты айға жазылып...
Жаналыклар>> Хаммеси
Логин
Пароль
Есте саклау