» » ШЫМБАЙЛЫ ИНТЕРНАЦИОНАЛИСТ-ЖАЎЫНГЕРЛЕР

ШЫМБАЙЛЫ ИНТЕРНАЦИОНАЛИСТ-ЖАЎЫНГЕРЛЕР

ШЫМБАЙЛЫ ИНТЕРНАЦИОНАЛИСТ-ЖАЎЫНГЕРЛЕР
Қоңсылас Аўғанстан жериндеги қаралы күнлерди халқымыз ҳеш қашан умытпайды. Бул жердеги айтыўға тил бармайтуғын қанлы урыс дәўиринде не деген балаларымыздың қыршын жаны қыйылып, аналарымыздын көзлеринде сорғалаған жасы бөлим командирлериниң ата-аналарына жазған хатларына тамып, мүйиздей шашлары биймезгил ағарып, табытты қушақлап жоқлаў айтып, ингендей қайысты. Шаңарағына аўыр мусийбет түскенин тән алған АНАларымыздың алдына ериксиз басымызды ийемиз.
Шымбайлы Азамат Сейдуллаев БМТ, БТР маркалы әскерий автомашиналарында Қабул, Кундагер, соңынан Кандагар бағдарларында жаўынгер дослары Пурқан Асметов, Салаўат Жақсымуратов, майжаплы Маҳмуд Айтенов, тахтакөпирли Садықлар менен талай-талай қыян-кески саўашларға қатнасып, терроризмге қарсы мәртлерше гүресип, Азамат Сейдуллаев Ўатан алдындағы азаматшылығын иследи.
Интернационалист-жаўынгер Азамат Сейдуллаев душпанларды жоқ етиўде мәртлик үлгилерин көрсеткени ушын бир топар жаўынгерлер қатарында «Ерлиги ушын» медалы менен сыйлықланды.
Ғайры журттағы қаралы күнлерде, деди жаўынгер А.Сейдуллаев, басқыншылар тодасының тосаттан болған топылыслары ақыбетинде Бақый Ийманбаев, Тахир Серимбетов, Махсуд Жумағулов, Муратбай Қәлийлаев, Жолдасбай Дәўлетов усаған бир қанша мәрт жаўынгерлеримизден айырылдық, деп көзине ериксиз жас алды.
Интернационалист-жаўынгер А.Сейдуллаевқа Аўғанстан аймағында халықаралық терроризмге қарсы гүресте әскерий ҳәрекетлерге қатнасқаны ушын Өзбекстан жаўынгер-ветеранлар ҳәм майыплары «VETERAN» бирлеспесиниң Қарақалпақстан бөлиминиң ағзасы деген мағлыўматнама берилди.
Өзбекстан Министрлер Кабинетиниң 2011-жыл 8-сентябрьдеги қарарына муўапық, бул шахслар топары екинши жер жүзилик урыс қатнасыўшысына теңлиги, ҳүкиметимиз тәрепинен белгили жеңилликлерге ийе, деп атап көрсетилген.
Шымбай районы Турымбетов көшеси 62-жайда жасаўшы Азамат Сейдуллаев Абыл-Қабыл атлы егиз улларды тәрбиялап, кәмалға келтирди, бул тынышлық, пәраўан турмысқа шүкиршилик етип отыр.

Интернационалист-жаўынгерлердиң тәғдирине байланыслы:

Сени күте-күте көз жумды әкең,
Неге қайтпайсаң, сен, усы ўақытқа шекем,
Көп еди сулыўлар ышқыңда шайда,
Солардан таңлаған келиним қайда?
Аўғанстан Аналардың көз жасы,
Аўғанстан қайғымның басы...
Үлкен сахналарда Өзбекстан ҳәм Қарақалпақстан халық артисти Мырзагүл Сапаева атқарған бул муңлы қосық (жазған Алпысбай Султанов, музыкасы Қәдирбай Ҳилаловтики) Аўғанстанда жалғыз улын жойтқан Ананың зары, жоқлаўы еди.


Шайырларымыз айтқандай :
Бириң қайттың, бириң қайтпай урыстан,
Ләббай деп, хызметте таққа турысқан.
Сизлерди яд етип, еслеп турыппан,
Басты бир көтериң қуралласларым.

Мақаламның бәнт басарын белгили шайыр Оразбай Сәтбаевтың «Аналар» атлы қосығынан бир шуўмақ пенен жуўмаклайман:
Бүгин еслемесем қашан еслеймен,
Бүгин сөзлемесем, қашан сөзлеймен,
Аналар жүреги мисли қоз екен,
Ишинен қан жутар дәртли АНАЛАР!

Бекбай САПАРОВ.
Сүўретте: Интернационалист-жаўынгер Азамат Сейдуллаев болып өткен Еслеў ҳәм қәдирлеў байрамында қураллас дослары Абдирашид Азизов, Абдир Султанов, Азат Төремуратов, Нурабылла, Парахат, Мақсет Исмайловлар менен дийдар көристи.
шаблоны для dleскачать фильмы

Пикир билдириу!

Атыныз:
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Кодды киритин:

Уксас материаллар:

«КИМСЕҢ, ПЕРДЕБАЙ АРТИСТ» БОЛДЫ

Пердебай Мәмбетмуратов 1937-жылы Шымбай районында туўылды. Шымбайдың өтмишине

ЖАС ТАЛАНТ ИЙЕСИ

СИЗ көрип атырған сүўретте республикамызға өзиниң хош

Жақсыбай ҚАЛМУРАТОВ: Өзбекстаннан бир өзи қа ...

«Ҳештен кеш жақсы» демекши усы жыл 1-7-март күнлери Қазақстан

«БИР ТЕРЕКТИҢ ШАҚАСЫНДАЙ УРПАҚПЫЗ»

Өзбекстан Республикасы Президенти Ш.М.Мирзиёвтың басшылығында

ЖАҢАДАН МУЗЕЙ АШЫЛДЫ

Еслеў ҳәм қәдирлеў күни алдынан Шымбай районындағы 43-санлы
Сораунама
Сизге сайтымыз унады ма?
Ауа
Як
Онша емес
Болады

Хабарландырыу>> Хаммеси

ЖАЗЫЛЫЎ-2018 (И.А.Крыловтың изинен)

АЙБОЛИТ ДОКТОР: Республикалық, районлық ҳәм тараўлық, бийғәрез, мәмлекетлик емес газета-журналларға үш ай, алты айға жазылып...
Жаналыклар>> Хаммеси
Логин
Пароль
Есте саклау